Apple of my Eyes

Monday, May 29, 2006

Family Fun Day

Nagkaroon ng family fun day sa school ng mga bata . Noong kami kasi ang nag-aaral wala namang tinatawag na family day, ewan kung kelan nagsimula ito. Naglalaan ng isang araw sa loob ng isang taon para sa buong pamilya na magsaya maghapon sa school. Mayroong mga parlor games para sa mga bata , sa mga magulang at mga teachers. Ginawa sa loob ng school at puro pinoy at pagkaing pinoy ang makikita sa paligid. Isang napakasayang araw na pansamantalang nakalimutan namin na wala pala kami sa Pilipinas.


Syempre nakisali rin ako sa parlor games. Ako ang unang nakabasag ng palayok. Sayang wala akong picture dahil si KD nalibang sa kaka cheer kung left or right ba ako pupunta..hehehe...Ang daming sumisigaw, merong kaliwa, merong kanan, merong deretso daw, at merong tira na! Eh syempre kilala ko boses ni KD kaya sa kanya lang ako nakikinig. Sapul ang palayok!


Ang layo ng narating ni ma'am.


Sapul ang palayok!





Naki join din ang mga tatay sa 3 points shot. Haba ng pila pero iilan lang ang naka shoot. Ang lalaki kasi ng mga tyan di na makatalon.





Masayang-masaya ang mga bata dahil sa dami ng mga games at mga prizes. At happy rin si Joshua kasi kasama nya ang kanyang “girlfriend.”



Posted by Ann :: 1:22 AM :: 35 Comments:

Post / Read Comments

---------------oOo---------------