Apple of my Eyes

Thursday, June 08, 2006

Bus rider .

Mula nung Saturday kasama ako ni Joshua sa pagpasok sa school. Sa school bus na rin ako sumasakay . Then pag-uwi eh sinusundo kami ni KD after nya sa office. Pero kahapon dahil sa sobrang sakit ng ulo ko ay nagsabi ako kay Josh na kung pwede hindi muna ako sasama. Pumayag naman basta raw sasama ako sa pagsundo.

Bago pa ako nakaalis ng bahay ay tumawag yung isang friend ko at tinanong kung nasa bahay na si Joshua. Sabi ko wala pa kasi susunduin namin sya. Bigla akong nag panic nung sabihin nya na nakasakay daw si Joshua sa school bus at nagtaka nga raw sya kung bakit nag-iisa. Kinuha ko yung bus number ng school bus (6 kasi ang bus ) at tawag ako agad sa transport officer. Tinawagan yung driver ng bus #4 kung saan nakitang nakasakay si Josh. Andun pa nga raw at di alam kung saan ang bahay, sabi ko natural na di alam dahil 5 yrs old lang yan at di naman sumasakay ng bus na mag-isa.

Tawag ako agad kay KD na lalo ring nataranta. Tinawagan ko yung adviser at sabi raw kasi ni Joshua eh bus rider sya kaya pinasakay sa bus ng academic coordinator nila. Nakikita naman nila na everyday sinusundo ko yung mga bata. Yung driver naman eh wala palang list ng kanyang mga pasahero. Sinabihan na lang yung driver na ibalik si Josh sa school pagkahatid sa lahat ng sakay nya.

Labas agad si KD sa office at deretso kami sa chool. Nadatnan na namin si Josh sa transport office kasama na si Justin at Tin2, nag-iiyakan na. Umiiyak daw kasi si Josh dahil natakot sa nangyari kaya nagaya na rin sila. Humingi naman ng dispensa yung adviser , pati yung ibang teachers sa nangyari.

Last Tuesday rin ay may isang bata ang hinahanap ng Daddy nya, klasmeyts din ni Josh, nag wawala na yung tatay sa school kasi naiwanan ng school bus yung bata at nung tumawag sa school yung Mommy nya eh dun pa lang hinanap yung bata na naglalaro pala sa loob ng room.

Isang araw ko lang di nasamahan sa pagpasok eh muntik pang mawala. Palagay ko kailangan ko na namang sumama next week sa school at bantayan sya.

Posted by Ann :: 2:37 AM :: 29 Comments:

Post / Read Comments

---------------oOo---------------