Apple of my Eyes

Thursday, December 06, 2007

TAG from Niceheart

Ten things I would never do(again)
(hindi ko makumpleto yung 10 kaya 6 na lang)

I will never sing in public.

Sabi kasi ng tatay ko di raw maganda ang boses ko kaya nagkaroon ako ng inferiority at ni minsan ay hindi ako kumanta na may ibang tao na nakakarinig. Buti na lang yung naging partner ko ay malakas ang loob at naririnig ang boses nya hanggang Germany at UAE.

Not to cook while chatting or chat while cooking.

Nagkakasayahan kami sa conference chat dahil naka webcam pa kami. Nagkukulitan pa kami ni kd then biglang may naamoy si tin2 na nasusunog. Waaahhh..nagsalang nga pala ako ng tocino bago naupo sa computer.


Never ask Josh to tell a lie again.

Sabi ko kay Josh pag may tumawag sabihin natutulog ako. Sumagot sya sa phone, "Mama is sleeping. Ok I will just tell her, what is your name again?" Sumenyas pa sa akin ng ok at ngumiti naman ako. Then sabi nya, "Mama, I told tita that you're sleeping." After few seconds nag ring ulit.....sinagot ko na, sya ulit. Narinig pala yung sinabi ni Josh kasi hindi pa pala naibaba yung phone sa kabila, hehehe..hiya ako pero nag explain na lang ako.


Never mix bowl disinfectant with bleach (clorox)

Hindi ko na talaga uulitin dahil akala ko di ako makakalabas ng buhay sa loob ng bathroom that time. Para sana mas mabilis ang paglilinis kaya ko pinaghalo. Bigla akong nahilo at nagdilim ang paningin ko sa amoy. Nag-iisa lang ako noon sa bahay.


Never leave the washing machine unattended.

Nakasanayan ko na kasi na after kong maglagay ng damit sa washing machine ay bumabalik ako sa room para matulog or manood ng tv, tutal automatic naman at medyo matagal din yun bago matapos. After mga 30 minutes naka-amoy ako ng parang nasusunog na kuryente. Paglabas ko ng room ay madilim na sa buong paligid at puno ng usok. Baby pa noon si Justin at nataranta ako. Pagbukas ko ng pinto sa labas ay may mga indian na maintenance ng building at humingi ako ng tulong. Pinatay agad nila yung general switch. Nasunog pala yung wire ng washing machine papunta sa kuryente. Sunog ang wall ng bathroom, tanggal ang ibang tiles, maitim ang buong bahay, nagliparan ang maiitim na "alipato" yata ang tawag dun. Noon ko nakita na yung usok nga pala ay sa itaas dahil halos gumapang ako sa carpet palabas ng pinto, wala na akong makita sa kapal ng usok.

Pinauwi ko si KD sa bahay dahil hindi ako makakilos, para akong nanlalambot sa takot. Yung damit namin ni Justin na kulay puti ay naging gray yata ang kulay. Inabot yata kami ng 2 days sa paglilinis dahil nangitim lahat ng gamit sa bahay.

Ilang gabi ko ring napapanaginipan yung nangyari at mula noon hindi ko na tinutulugan ang washing machine.


I will not do this to Josh.




Noong maliit kasi si Justin ay nakakatuwaan ko syang bihisan ng damit pang babae. Gandang-ganda kasi ako sa mukha nya na napaka-amo. Kaya lang everytime na nakikita nya ngayon yung mga litrato ay napapaiyak sa inis sa mga kapatid nya dahil tinutukso sya.


I am tagging: mmy-lei, ella, karmi, neneng, T-K, sasha, rho-anne, cess, tekla and clown.

Posted by Ann :: 4:55 PM :: 48 Comments:

Post / Read Comments

---------------oOo---------------